Бүгін Орал қалалық ақпараттық-талдау және жастармен жұмыс жөніндегі ресурстық орталығы базасында жастар арасында кәсіпкерлікті дамыту бойынша "Жас бизнес" атты оқыту семинары өтті.
- Шара қонағы жұмыспен қамту орталығының "Бизнес бастау" бағдарламасы бойынша 555600 тг көлеміндегі грантты жеңіп алып, қазіргі уақытта өз кәсібін дөңгелетіп отырған Махамбет Кубаев болды.
Сұқбат барысында іскер азамат өзінің қолға алған кәсібі, жылыжай шаруашылығы жайлы кеңінен баяндады.
Жылыжайдың құрылымы және оны баптау жөнінде өзіндік құпиясымен бөлісіп, кәсіптік жоспарының сызбасын көрсетіп, жастарға толыққанды таныстырды, - дейді Орал қаласының ақпараттық-талдау және жастармен жұмыс жөніндегі ресурстық орталығының консультациялық қызмет көрсету бөлімінің маманы Бақнұр Уахит.
Қамал алар жасқа келген кезде кәсіптің нәсібін көрген шара қонағы жастарға бизнеспен айналысудан қорықпай, жастық шақта қандай ма іс болмасын, батыл қадам жасай білуге кеңес берді.
Шараға қатысушы жастар көкейдегі сауалдарын қойып, тиісінше жауап алды.
Ертай Бимұханов,
zhaikpress.kz
