Тасқала аудандық мәдениет үйінде Ұлыстың ұлы күніне арналған театрландырылған онлайн концерті өтті.
Аталмыш шара сахнаға Абыз бен Жер-ананың шығуымен басталды. "Қиялдан" үлгілі би ансамбілінің бишілері мың бұрала билеп, мерекенің көркін қыздырды. Шара барысында экран арқылы бейне көрсетілімдер де көрсетілді. Қазақы нақыштағы әндер шырқалып, күй тартылды. Осынау игі шарада "Ақтілеу " әжелер халықтық ансамблінің мүшелері шашу шашты. Осылайша аудандық мәдениет үйінің өнерпаздары өз өнерін паш етіп, Наурыз-думан әнімен сахнаның шымылдығы жабылды.
Әсет Баян
Тасқала ауданы
