Сырым колледжінде "World Skills-2021" чемпионатының аудандық кезеңі өтті.
Чемпионат «Графикалық дизайн», «Дизель қозғалтқышын жөндеу және техникалық қызмет көрсету», «Ауыл шаруашылығы машинасы және тракторды жөндеу слесарі» мамандықтары бойынша барлық санитарлық талаптарды сақтай отырып өткізілді.
Аталмыш шараның мақсаты – студент жастардың мамандыққа деген махаббатын оятып, белсенді ұстанымдарды жетілдіру.
"Графикалық дизайн" аталымы бойынша І орынға Н.Усманова, ІІ орынға Б.Амангелді, ІІІ орынға Т.Сембаева лайық деп танылса, «Дизель қозғалтқышын жөндеу және техникалық қызмет көрсету» аталымында І орынды М.Дизин, ІІ орынды С.Нығметжан, ІІІ орынды А.Кульпердисов иеленді.
Қазіргі таңда сұранысқа ие мамандықтардың бірі "Ауыл шаруашылығы машинасы және тракторды жөндеу слесарі" аталымында І орын Р.Мамбетқазиевке, ІІ орын Б.Аманжоловқа, ІІІ орын А.Кульпердисовке бұйырды.
Аудандық іріктеу кезеңінен өткен жеңімпаздар облыстық чемпионатқа жолдама алды.
А.Бауыржанқызы,
Сырым ауданы
zhaikpress
