Орал қалалық мәдениет және тілдерді дамыту бөлімінің ұйымдастырумен онлайн түрінде өткен «Аталар сөзі - тәрбие көзі» атты баталар сайысына сырымдық зейнеткер Ахмет Батыршин қатысып, бас жүлдені жеңіп алды.
ҚР Тәуелсіздігінің 30 жылдығына және айлардың сұлтаны Рамазан айын насихаттау мақсатында бата беруде ерекше көзге түскен А.Батыршин осы сайыста бас жүлде мен ақшалай сыйлықты иеленді. Ұлтымыздың ұлы құндылықтарының бірі - бата беру дәстүрін дәріптеу, жаңғырту және жас ұрпақты адамгершілікке, рухани тазалыққа, имандылыққа, әдептілікке тәрбиелеуде А.Батыршиннің еңбегі өзгелерге үлгі-өнеге.
Тельман Исатаев,
Сырым ауданы
