«Адам жанының бағбаны» дейді ұстазды. Әңгіме сонда! Ең әуелі, баланың жанымен, ішкі жан дүниесімен жұмыс істе деп тұрған сөз ғой бұл. Бала жанын баурай алмаған ұстаздың жұмысы нәтижелі болады деу қиын. Шәкірт пен ұстаз арасын жалғап тұратын нәзік қыл болатындай көрінеді маған. Психологиялық байланыс тіні. Ұстаздық қызмет те, мұғалімдік міндет те сол ерекше байланыс арқылы атқарылады. Білім саласындағы азды-көпті тәжірибемде осыны анық ұқтым. Ұқтым да, кете-кеткенше таңырқаумен болдым. Таңғажайып әлем ғой, шынымен де, ұстаздық деген. Қауызын жаңа ашқан қызғалдақтай сәулеге, нәрге, жарыққа ұмтылған шәкірттерді, солардың бірін шет қалдырмай жан жылуымен аялап, қамтып жүретін психолог ұстаздарды көріп, танып отырудың өзі – бір ғанибет. Ісін келістіре алмай, қожырап, қобырап жүретін мұғалімді көру – азап.
Толығырақ облыстық «Орал өңірі» газетінің 2021 жылғы 11 маусымдағы №47 санындағы белгілі ақын, облыстық газеттің қоғамдық редакторы Дариға Мұштанованың «Педагог дәптерінен» атты мақаласынан оқып танысуға болады, оқырман!
zhaikpress.kz
Сурет ktk.kz сайтынан алынды
