Жәңгір хан атындағы Батыс Қазақстан аграрлық-техникалық университетінің студенттері, жас спортшылар Әділбек Сейсов пен Риза Сүлейменова кезекті спорттық додадан жүлдемен оралды.
Ағымдағы жылдың 5-7 тамызы аралығында Атырау қаласында өткен самбо күресінен ерлер мен әйелдер арасында және жауынгерлік самбодан Қазақстан Республикасының Кубогында спорттық шеберліктерін сынға салған Әділбек Сейсов пен Риза Сүлейменова жүлделі орындардан көрінді. Атап айтқанда, 72 келі салмақ дәрежесінде бағын сынаған Риза 2-орын алса, 71 келі салмақ дәрежесі бойынша Әділбек 3-орынға қол жеткізді.
БҚАТУ медиа-орталығы
