Ел Тәуелсіздігінің 30 жылдығы қарсаңында Жәнібек аудандық мәдениет, тілдерді дамыту және спорт бөлімінің қолдауымен аудандық балалар-жасөспірімдер спорт мектебінде 6 және 17 жас аралығындағы ұл-қыздар арасында каратэ-додан аудандық ашық турнир өтті. Спорттық додада қырықтан астам жас спортшы бақ сынады.
- Турнирдің басты мақсаты - жас ұрпаққа салауатты өмір салтын насихаттап, киокушинкай каратэ-доны дамыту. Мұндай додалар жастардың спорттық шеберлігін шыңдауда үлкен әсер етеді. Аудандағы балалар мен жасөспірімдерді каратэ-до спортына қызығушылығын арттырып, оларды аталмыш спортқа дайындау өткен жылдан бастап қолға алынды. Спорт дәл осы түріне қатысып жатқан балалардың саны артып келеді. Оның жарқын мысалы, алғаш оздырылып отырған бүгінгі аудандық сайыс. Алдағы уақытта осындай спорттық додалар жалғасын таппақ, - дейді каратэ-до жаттықтырушысы Іңкәр Бекболатқызы.
Ә. Садық
Жәнібек ауданы
zhaikpress.kz
