ҚР Үкіметінің жаңа қаулысы бойынша мемлекеттік органдардың интернет-порталда жарияланатын ашық деректерінің бірыңғай тізбесі бекітілді, деп хабарлайды ҚазАқпарат тілшісі.
Тізімге барлығы 976 позиция кірген. Олардың қатары мынадай:
ҚР Әкімшілік-аумақтық бірліктері
Қазақстан Республикасында аккредиттелген шет мемлекеттердің консулдықтары мен елшіліктері туралы деректер (өкілдіктер елі, ұйымның типі, ұйымның толық атауы, Орналасқан қаласы, Мекенжайы, Телефоны, ресми сайты, электрондық поштасы, виза беретін елдер (қоса атқаратын)
Қазақстан Республикасының азаматтарына берілетін шет мемлекеттермен визалық және визасыз режим
Өзге мемлекеттердегі ІІМ өкілдерінің тізімі
Мемлекеттік органдар мен ұйымдардың, квазимемлекеттік сектор субъектілерінің қызметіндегі сыбайлас жемқорлық тәуекелдерін сыртқы талдау нәтижелері туралы деректер
Қазақстан Республикасының 2015-2025 жылдарға арналған сыбайлас жемқорлыққа қарсы стратегиясын іске асыру жөніндегі ақпарат
Әшкере болған сыбайлас жемқорлық құқық бұзушылықтар туралы ақпарат
Мемлекеттік қызметтер көрсету сапасына жүргізілетін қоғамдық мониторинг қорытындылары
Мемлекеттік қызмет кадрларының гендерлік құрамы туралы ақпарат
Мемлекеттік қызметшілердің өтілі туралы статистикалық ақпарат
Мемлекеттік органдарда конкурстар өткізу нәтижелері туралы ақпарат
Мемлекеттік қызметтер көрсету сапасын мемлекеттік бақылау нәтижелері туралы ақпарат
Президенттік жастар кадр резерві шеңберінде адамдарды жұмысқа орналастыру туралы ақпарат
Қазақстан Республикасы Президентінің соңғы 10 жылдағы сайлауының қорытындылары
Өңірлер бөлінісінде мемлекеттік мүлікті мүліктік жалдауға және сенімгерлік басқаруға беру бойынша ақпарат.
Экономика, сауда, өнеркәсіп, білім және ғылым, денсаулық сақтау, еңбек, жұмыспен қамту және әлеуметтік қамсыздандыру, ауыл шаруашылығы, энергетика, қаржы, көлік, құрылыс және ТКШ, мәдениет және спорт, экология, халық пен қоғам, мқпарат, байланыс, құқықтық жүйе және қоғамдық қауіпсіздік жағдайы туралы ақпарат.
