Бүгін облыстық «Жайық Пресс» медиахолдингінің бас директоры Табылғали Сапаров Жаңақалаға арнайы іссапармен келді. Нақтырақ айтсақ, күні бүгінге дейін аудандық «Жаңарған өңір» қоғамдық-саяси газетінің директор-редакторы Алтынбек Ермекқалиев «Жайық Пресс» медиахолдингі бас директорының бұйрығымен «Орал өңірі» газеті бас редакторының орынбасары болып тағайындалды.
Ал аудандық «Жаңарған өңір» газетінің жауапты хатшысы қызметін атқарып келген Жанайдар Болатбекұлы директор-редактор қызметіне ауыстырылды.
Алдымен «Жайық Пресс» медиахолдингінің бас директоры Т.Сапаров редакция ұжымымен кездесіп, «Жаңарған өңір» газетінің жаңа басшысы Жанайдар Болатұлын жаңа орына отырғызды.
Жаңадан тағайындалған басшыларды құттықтап, ізгі тілегін білдірді. Бұдан соң аудан әкімдігінің мәжіліс залында өткен аудан активіне жаңа басшыны таныстырып, Алтынбек Серікқалиұлын шығарып салды. Алқалы жиынды ашып, жүргізген аудан әкімі Дархан Закарин:
- Ауданымыздың айнасы болған «Жаңарған өңір» газетінің директор-редакторы А.Серікқалиұлын шығарып салғалы отырмыз. Алтынбекті облысқа жоғарылатып жатыр. Жастарымыздың облыстық деңгейге көтеріліп, жауапкершілігі мол жерге ауысып жатқандығы бізді қуантады. Сәттілік серігіңіз болсын. Жұмысыңызға, қызметіңізге абырой тілейміз. Ауданымыздың жұртшылығының атынан саған алғысымыз шексіз, - дей келе, еңбегі елеулі екендігін айтып, Алтынбек Серікқалиұлына алғыс хат пен сия-сияпат табыс етті. Одан әрі «Жайық Пресс» медиахолдингінің бас директоры Т.Сатқалиұлы сөз алып, газет жөнінде кеңінен тоқталып, ақжарма тілегін айтты. Сондай-ақ ауданымыздың ардагері Айтуған Ғайнеденұлы, аудандық қоғамдық кеңестің төрағасы Әлихан Досмұхамбетов ақ тілектерін жеткізсе, өзіне сенім артқан жаңа басшы Жанайдар Болатбекұлы мен Алтынбек Серікқалиұлы өңір басшысына, аудан халқына алғаусыз алғыстарын білдірді.
Жаннұр Берікқызы,
zhaikpress.kz
