Жуырда «Ice park» сырғанау орталығында аудандық балалар жасөспірімдер спорт мектебінің ұйымдастыруымен қысқы спорт түрлерінің бірі – конькимен жүгіруден Жаңақала аудандық балалар жасөспірімдер спорт мектебі топтары арасында жарыс және көпшілік сырғанау өткізілді.
Алдағы ақпан айында өтетін Бейжің-2022 қысқы ХХІV қысқы Олимпиада ойындарында ел намысын қорғайтын Қазақстан спортшыларын қолдау мақсатында оздырылған жарысқа жасөспірімдер мен кіші жасөспірімдер болып екі топ спортшылары қатысып, бақ сынады.
Жарыстың ашылу салтанатында аудандық балалар жасөспірімдер спорт мектебі директорының оқу ісі жөніндегі орынбасары Дәурен Жағыпаров құттықтау сөз сөйлеп, барша спортшыларға сәттілік тіледі. Сонымен қатар қатысушылар мен ата-аналарды алда өтетін қысқы олимпиадаға қатысып, өнер көрсететін спортшыларымызға қолдау көрсетуге шақырды. Бұдан соң алдымен конькимен жүгіруден топ аралық жарыс өтті. Нәтижесінде өздерінің алғырлығын көрсеткен жүйрік жасөспірімдер жүлделерге ие болды. Атап айтсақ, III орынды Бағылан Сағидолла, II орынды Досхан Меңдібекұлы иеленсе, I орынды Ислам Ғайнолла жеңіп алды. Ал үлкен топтар арасынан III орынға Ерасыл Ишан, II орынға Рамазан Рысқали, I орынға Мирас Қуанышқалиев ие болды. Шара соңында барлық жасөспірім спортшылардың қатысуымен көпшілік сырғанау өтті. Жарыс қорытындысында жеңімпаз, жүлдегерлерді және ең жас конькимен сырғанаушыларды аудандық балалар жасөспірімдер спорт мектебі директорының оқу ісі жөніндегі орынбасары Дәурен Ерланұлы арнайы дипломдармен және медальдармен марапаттады.
Жаннұр Берікқызы,
Жаңақала ауданы
zhaikpress.kz
