Шыңғырлау ауданына қарасты Алмаз ауылының жастары ардагерлер мен ересектер арасында үстел теннисінен ауылішілік жарыс ұйымдастырды.
Ауыл тұрғындарын салауатты өмір салтын ұстануға шақыру, үстел теннисі спортына деген қызығушылықты арттыру және аға буын спортшыларының өнерін өскелең ұрпаққа үлгі ету мақсатында ұйымдастырылған бәсекеге қатсушылар көп болды.
Қызықты дода қорытындысында ардагерлер арасында Әлібек Сартов қарсыластарын түгел ұтып, жарыс жеңімпаз атанса, екінші орынды Муса Дәулетов, үшінші орынды Жалғас Бақтыгериев иеленді.
Сонымен қатар спортта жүрген ересектер де өзара шеберлік байқатты. Нәтижесінде Асқар Дәулетов бірінші орынға лайық екенін көрсетсе, Руслан Жадилов екінші, Сағындық Құсайынов үшінші орынды бөлісті.
Жарыс жеңімпаздары мен жүлдегерлері медаль және дипломмен марапатталды.
Самғат Жантөринов,
Шыңғырлау ауданы
