М.Өтемісов атындағы Батыс Қазақстан университетінде 2021-2022 оқу жылының жалпы білім беретін пәндер бойынша республикалық олимпиаданың облыстық кезеңі басталды.
Фотосурет: tolqyn.kz
Аталған олимпиада 24-30 наурыз аралығында облыстық білім басқармасының және «Дарын» қосымша білім беру орталығының ұйымдастыруымен өткізілуде. Бұл білім бәйгесіне жалпы орта білім беретін және мамандандырылған мектептерден 561 оқушы, соның ішінде аудандардан – 222, Орал қаласынан – 79, облыстық мектептерден 260 оқушы қатысуда.
Олимпиада 14 пән бойынша жаратылыстану-математика және қоғамдық-гуманитарлық бағытта өтеді.Аталмыш білім сынағы екінші жыл қатарынан прокторинг әдісі бойынша «1 оқушы, 1 компьютер, 1 камера» қағидасына сәйкес «Oqylyq.kz» платформасы арқылы жүргізіледі.
Облыстық олимпиадада бағы жанғандар республикалық кезеңге жолдама алып, облыс намысын қорғайтын болады.
Гүлжамал Кенжеғалиева,
zhaikpress.kz
