Қаратөбе ауданы №287 Шөптікөл сайлау учаскесінде дауыс беру таңғы сағат 7-де басталды. Мемлекеттік әнұран орындалып, учаскелік сайлау комиссиясының төрағасы Мербол Есендосов дауыс беру басталғанын жариялады.
Аталған референдум учаскесіне 689 сайлаушы тіркелген. Учаскелік комиссияның cағат 10.15 минуттағы мәліметінше 281 адам дауыс беріп, дауыс берушілердің 40,7 пайызы өз таңдауларын жасап үлгерді. Референдум учаскесіне «Партиялық емес байқау орталығынан» - 2 байқаушы, Батыс Қазақстан облыстық «Азаматтық Альянсынан» 1 байқаушы қатысуда.
Ауыл тұрғыны Бақытжамал Төлеушева референдум учаскесіне ең бірінші дауыс беріп өз таңдауын жасаса, ең үлкен дауыс беруші ауылдың ақсақалы, еңбек ардагері Жамбыл Тоқжанов ағамыз болды. Алғаш рет дауыс беруші, Қазақ-Британ техникалық университетінің І курс студенті Шынар Нұрмағамбетова да сыйлыққа ие болды.
Ерболат Райсов,
Қаратөбе ауданы
zhaikpress.kz
