Бүгін Сырым ауданында мемлекеттік қызметшілер арасында спартакиада өтті. Ашылу салтанатында аудан әкімі аппаратының басшысы Медет Мырзаш пен аудандық мәдениет, тілдерді дамыту, дене шынықтыру және спорт бөлімінің басшысы Ерлан Сәрсенов спортшыларға сәттілік тіледі.
Аудан орталығынан бөлек ауылдық округтердің мемқызметшілері қол күресі, асық ату, үстел теннисі бойынша өзара бақ сынады.
Нәтижесінде, облыстық спартакиадаға іріктеу кезеңінде ерлер арасында асық атудан ІІІ орынды Едіге Өтепов, ІІ орынды Рашид Байров, І орынды Сырым аудандық мәслихат аппаратының басшысы Ерлан Мақашев иеленді.
Үстел теннисі бойынша І орын Елтай ауылдық округінің әкімі Рашид Байровқа, ІІ орын Райымбек Құлтемірге, ІІІ орын Жанболат Мұхамбетжановқа бұйырды.
Әуесқой қол күресінен ІІІ орынға Салауат Нұрпейісов, ІІ орынға Бердес Төлегенов, І орынға аудандық аумақтық инспекциясының бас маман- мемлекеттік инспекторы Темірлан Ғаббасов лайық деп танылып, облыстық мемлекеттік қызметшілер арасындағы облыстық спартакиадаға жолдама алды. Жеңімпаздар мен жүлдегерлерге диплом мен ақшалай сыйлықтар табыс етілді.
Айжан Амангелдина,
Сырым ауданы
zhaikpress.kz
