ҚР Мемлекеттік қызмет істері агенттігінің БҚО бойынша департаментіне Байсалов Мұрат Сейілбекұлы тағайындалды. Жаңа басшыны облыс активіне ҚР Мемлекеттік қызмет істері агенттігінің басшысы Әлібек Ахмедияров таныстырды.
Мұрат Байсалов 1988 жылы Оңтүстік Қазақстан облысында дүниеге келген. Білімі жоғары. Алғашқы еңбек жолын Мемлекеттік қызмет істері агенттігінің бас сарапшысы қызметінен бастаған. Мемлекеттік қызметтің қыр - сырын білетін жас маманға артылып отырған жүк ауыр. Актив отырысында облыс әкімі Ғалиев Есқалиев жаңа басшыға сәттілік тіледі.
«2011 жылы еңбек жолымды Мемлекеттік қызмет істері агенттігінің бас сарапшысы қызметінен бастадым. Еңбек жолымда осы қызметтің әр сатысынан өтіп, соңғы лауазымым департамент директоры орынбасары болдым. Батыс Қазақстан облысына инновациялар, жаңа тәсілдер енгізіп, барынша мемлекеттік қызмет көрсететін саланың сапасын арттыру мақсатында халықпен бірге жұмыс істеу үшін келдім», - деді ҚР Мемлекеттік қызмет істері агенттігі БҚО бойынша департаментінің басшысы Байсалов Мұрат.
Мемлекеттік қызметшілер мерекесі қарсаңында тағайындалған жаңа басшыға сәттілік тілейміз.
Жанат Көшкінбай,
zhaikpress.kz
