ҚР Президентінің Жарлығымен Бәйтерек аудандық сотының төрағасы болып Әсел Мәженова тағайындалды. Соған орай аудан активі өтті.
Жиынды ашқан аудан әкімі Марат Тоқжанов Әсел Ерсенқызын құттықтап, қызметіне табыс тіледі.
-Өзіңізге жүктелген міндетті үлкен жауапкершілікпен, ұйымдастыру шеберлігіңізбен атқаратыныңызға сенеміз. Біліміңіз бен біліктілігіңіз, сабырлығыңыз сот төрелігін әділ жүзеге асыруға жәрдемші болары анық,- деді Марат Лұқпанұлы.
Сөз кезегін алған жаңа сот төрағасы қоғамымыздың игілігі, адамдардың құқықтары мен бостандықтарын қорғау жолындағы күрделі де жауапты қызметті адал атқаруға әрқашан да дайын екенін мәлімдеді.
Айта кетейік, Әсел Ерсенқызы 1979 жылы Қарағанды облысында дүниеге келген. 2001-2009 жылдары сот саласында, 2009-2015 жылдары прокуратура органдарында қызмет атқарған. 2015 жылдан бері Шыңғырлау аудандық сотының судьясы болған.
Гүлжан Аязбаева,
Бәйтерек ауданы
zhaikpress.kz
