Даладағы дүбірлі додаға жиналған халықтың көпшілігі ат жарысын қызықтауға келгендері белгілі.
Әуелі қиқулаған халықтың назары тазылар жарысына ауды. Әр аудандардан қосылған тазылар әп дегенде суырыла алға шыққандарымен, Бәйтерек ауданынан келген Марат Мұхтаровтың тазысы 1 орынды иеленсе (50 000 т ) 2- 3 орынды Нұрлан Мұхтаровтың тазысы (30 000 - 20 000 тг) ешбіріне бермеді.
Дала дүбірге толып айнала шаңға бөгер сәтте келді.
Атсүйер қалың қауым дүрбілерін қолдарына алды, бапкерлер де толқу үстінде. Әуелі екі айналымдық “тай жарысы” басталып, соңы алты айналымдық “топ бәйге” және сегіз айналымдық “аламан бәйгеге” ұласты. Дала ат тұяғының дүбіріне толды. Халықтың қиқулаған үні бойды шымырлатады. Бәрінің назары, көкейдегі ойы мәре сызығын алғаш болып қай аттың кесіп өтеріне ауған.
Сонымен үш түрлі бәйгенің толық нәтижесі төмендегідей:
“Тай жарысы” 13 тай
1 орын - Асылбек Жаңабаев, “Қараторғай” (Ақжайық ауданы), 250 000 теңге, 2 орын-Қалдыбек Нұрпейісов, “Тұмар” (Ақтөбе облысы, Қобда ауданы), 150 000 теңге, 3 орын-Мейрамбек Умиров “Самал” (Қобда ауданы) 100 000 теңге.
“Топ бәйге” 13 ат: 1 орын-Темір Кәкім, “Тасқын “ (Теректі ауданы), 800 000 теңге, 2 орын-Бекбол Байжарқынов, “Ақмоншақ”, (Ақтөбе облысы), 500 000 теңге, 3 орын - Мақсат Сейталиев, “Айтөбел” (Жаңақала ауданы), 100 000 теңге.
“Аламан бәйге” 12 ат: 1 орын - Бекбол Байжарқынов “Месие” (Ақтөбе облысы), 1 000 000 теңге, 2 орын - Мақсат Сейталиев “Бақторы”, (Жаңақала ауданы), 700 000 теңге, 3 орын - Ермек Ибашев “Ақжауын” (Ақтөбе облысы), 300 000 теңге.
Аударыспақ: 1 орын - Төлеби Қайыржанов, 50 000 теңге, 2 орын - Абай Кенжебаев, 30 000 теңге, 3 орын - Жәнібек Жамалов, 20 000 теңге.
Арқан тартыс: 1 орын - 1987 жылғылар, 50 000 теңге, 2 орын - Сарой ауылдық округі, Көздіғара ауылы, 30 000 теңге, 3 орын - Өлеңті ауылы, 20 000 теңге .
Қой көтеруден Сайын Алдияр жеңімпаз.
Мүсірбек Айташев,
Сырым ауданы,
суреттерді түсірген: Айжан Амангелдина,
zhaikpress.kz
