Қазақстандық қызанақтан ЕАЭО аумағында жоқ вирус анықталды

Қазақстандық қызанақтан Еуразиялық экономикалық одақта (ЕАЭО) жоқ вирусты анықталды.

"11 қарашада Орынбор облысы бойынша Россельхознадзор басқармасы "Сагарчин" фитосанитариялық бақылау бекетінде Ресей аумағына Қазақстаннан жоғары фитосанитариялық қауіпті өнімді әкелу әрекетін тоқтатты. Жаңа піскен қызанақтың екі партиясына (31 тонна) карантиндік фитосанитариялық бақылау жүргізу кезінде Еуразиялық экономикалық одақ (ЕАЭО) аумағында жоқ карантиндік зиянды организм – қызанақ жемістерінің қоңыр әжімді вирусы (Tomato brown rugose fruit virus (ToBRFV) анықталды", - делінген хабарламада.

Ресей ведомствосының хабарлауынша, қауіпті вирустың барын Россельхознадзордың “Орынбор референттік орталығы" ФМБ мамандары жүргізген зертханалық сараптама растаған.

"Ресей Федерациясының карантиндік заңнамасының талаптарына сәйкес қызанақтың екі партиясын елге кіргізуге тыйым салынды. Кінәлі адамдар Ресей Федерациясының ӘҚБтК-нің 10.2-бабына сәйкес әкімшілік жауапкершілікке тартылды", - делінген хабарламада.

ulysmedia.kz