Бүгін Батыс Қазақстан облысының әкімі Нариман Төреғалиев жұмыс сапарымен Орал қаласының тіршілігін қамтамасыз ететін маңызды нысандарға барды.
Алғашқы нысан "Жайық жылу қуат" АҚ болды, онда жылыту кезеңінде 10 қазандық және жыл бойы 13 қазандық жұмыс істейді.
Станцияның қуатын қарап шыққан Нариман Төреғалиев "ЖЖҚ" АҚ Бас директоры Бақытжан Акимгужинмен бірге салқындату мұнарасы мен турбоагрегатты қайта жаңарту жобасының іске асырылу барысымен танысты. Бүгінгі күні мердігер ұйым салқындатқыш мұнараны бөлшектеп, іргетасын құйды. Облыс әкімі агрегаттарды басқарудың орталығының жұмысымен танысып, жылыту кезеңінің үздіксіз өтуі бойынша бірқатар тапсырмалар берді.
Өңір басшысы сондай-ақ қаланың тіршілігін қамтамасыз ететін маңызды нысандарының бірі - Орал қаласының тұрғындарын сумен қамтамасыз ететін "Батыс су арнасы" ЖШС-де болды.
"Батыс су арнасы" ЖШС директоры Әнуар Аркенов облыс әкіміне ағымдағы жағдайды, мекеменің жұмысы және қуаты туралы айтып берді. Ол "Нұрлы жер" мемлекеттік бағдарламасы аясында сумен жабдықтау және су бұру желілері бойынша жобалар туралы хабарлады.
Сапар барысында Н. Төреғалиев су тазарту жүйесін тексеріп, проблемалық мәселелерді талқыланды. Өңір басшысы қысқы және көктемгі кезеңде сумен қамтамасыз ету мәселелеріне назар аударды.
Сондай-ақ, өңір басшысы облыс орталығын жылумен үздіксіз қамтамасыз ету үшін жылу трассаларының жай-күйін үнемі бақылауды тапсырды.
Айта кетейік, бұл Нариман Төреғалиевтің облыс әкімі ретіндегі Орал қаласының коммуналдық нысандарына алғашқы жұмыс сапары.
БҚО әкімдігінің баспасөз қызметі
