Бүгін Оралдағы Круглоозерный кентінде «Шұғыла» комьюнити орталығы жаңғыртылып, қайта ашылды. Ашылу салтанатына қала әкімі Миржан Сатқанов қатысып, орталықтың жұмысына сәттілік тіледі.
Заманауи үлгіде жабдықталған «Шұғыла» комьюнити орталығы – өнерге құштар балдырғандар мен ересектерді біріктіретін орталық.
Қайтадан жаңғырған мекемеде «Қазына» көпұлтты әжелер ансамблі, «Алтын қолдар» қолөнер үйірмесі, «Алтын сақа» спорт үйірмесі, «Зейін» көркемсөз және «Жас тілші» журналистика үйірмесі жүргізіледі.
Айта кетейік, орталық 2019 жылдың қаңтар айында ашылды. Ондағы үйірмелерге 160-қа жуық бала қатысады.
@zhaikpress_kz
