2022 жылдың ІІІ тоқсанында дүниежүзінде әлеуметтік желі қолданушылардың саны 4,74 миллиард болған. Бұл бір жылда желі қолданушылары 4,2% өсті деген сөз, деп хабарлайды Zakon.kz.
Datareportal.com мәліметтері бойынша, жер бетіндегі барлық адамның 59,3%-ы әлеуметтік желілерді пайдаланады. 13 және одан жоғары жастағы адамдарды есептесеңіз, тіпті 75,9%, яғни төрттен үшеу екенін білдіреді. Тағы бір таңғалдыратыны - интернетке қолжетімді адамдардың 93,4%-ы әлеуметтік желілерді пайдаланады. Бұл дегеніміз пайдаланушыда интернет мүлдем болмаса да, оның әлеуметтік желіде де аккаунты бар.
Әлеуметтік желіні пайдаланушылардың басым бөлігі - ерлер (54%). Ал әйелдер қолданушылардың 46%-ына тең.
2022 жылдың үшінші тоқсанында 16-64 жас аралығындағы әр адам әлеуметтік желіде күніне орта есеппен 2 сағат 28 минут жұмсады (бір жыл бұрынғыдан 1 минут көп).
Нигериялықтар ең көп уақытын әлеуметтік желілерде өткізеді: күніне 4 сағат 20 минут. Одан кейінгі орында Бразилия мен Оңтүстік Африка (3 сағат 44 минут), Филиппин (3 сағат 42 минут), Колумбия (3 сағат 35 минут). Жапония әлеуметтік желілерде ең аз уақыт өткізеді (тәулігіне 49 минут), сонымен қатар Оңтүстік Корея (1 сағат 11 минут) және Австрия (1 сағат 30 минут).
Адамдардың көбі отбасымен және достарымен сөйлесу үшін әлеуметтік желілерді пайдаланады (47%). 35,4%-ы бос уақытын ғана өткізгісі келеді, 34,6%-ы жаңалықтар мен оқиғаларды оқиды, 30%-ы белгілі бір өзіне керек нәрсені іздейді, 28,7%-ы әлемде не болып жатқанын түсінуге тырысады.
Пайдаланушылардың тағы 27%-ы іске асыру немесе сатып алу үшін әлеуметтік желілерден шабыт пен жаңа идеяларды іздейді, 26,2%-ы түрлі өнімді іздеп, сатып алады.
Facebook – 2,9 миллиард қолданушысы бар әлемдегі ең танымал әлеуметтік желі. Одан кейін 2,5 миллиард және 2 миллиард қолданушылары бар Youtube және WhatsApp. Үздік бестікке Instagram (1,4 миллиард пайдаланушы) және WeChat (1,3 миллиард пайдаланушы) кірді. Сонымен қатар TikTok, Facebook Messenger, Telegram, қытайлық Douyin, Kuaishou, Sina Weibo және басқалары ең танымалдардың тізімінде бар.
Пайдаланушылардың әлеуметтік желіде өткізетін уақытын қарастырсақ, онда Youtube бұл жерде көшбасшы болады: айына орта есеппен 23,4 сағат. Пайдаланушылар айына TikTok-та 22,9 сағат, Facebook-те 19,7 сағат, WhatsApp-та 17,3 сағат, Instagram-да 11,7 сағат, Line-де 11 сағат, Twitter-де 5,5 сағат, ал Telegram-да 4 сағат, Facebook Messenger мен Snapchat-та 3,1 сағат жұмсайды.
