Ы.Алтынсарин атындағы орта мектебінде «Қадыр оқулары» аудандық кезеңі ұйымдастырылды.
Барлығы 28 оқушы қатысқан байқау үш кезеңнен құралды.
Алғашқы «Болу үшін жаралғам туған жердің жырауы..» кезеңінде Қадыр Мырза Әлі сөздеріне жазылған әндер орындалды. Бұл кезеңде Амангелді ОМББК 5-сынып оқушысы Жансая Есенғали I орын, Мереке ОМББК 6-сынып оқушысы Жасұлан Айкөркем ІІ орын, Шежін ОМББК 9-сынып оқушысы Жұмаш Аңсағаным ІІІ орын иеленді.
ІІ «Сөзім барда – өзім бар» кезеңінде Қадыр Мырза Әлі шығармаларын жатқа оқу байқауында Мерей ОМ 5-сынып оқушысы Айназ Артурқызы І орын, Оян МББК 9-сынып оқушысы Ашйа Ажгалиева ІІ орын, Атамекен ОМББК 7-сынып оқушысы Аружан Куспанова ІІІ орын алды.
Соңғы «Өлең жаздым тоғыз тарау, жеті өрім» кезеңінде жас дарындар байқауынан Қ.Сәтбаев ат.ОМ 10-сынып оқушысы Перизат Берік І орын, Амангелді ОМББК 11-сынып оқушысы Шыңғыс Серіков ІІ орын, Достық ОМББК 6-сынып оқушысы Айару Нашанова ІІІ орын иеленді.
Жеңімпаздар аудандық білім беру бөлімінің дипломымен, сыйлықтарымен марапатталды.
Назерке Мұсағалиева,
Тасқала ауданы
