Теректі ауданына қарасты Шалқар ауылдық округінің Х. Есенжанов атындағы мектебінде 10-14 сәуір күндері «Жас маман, алға бас қадам!» атты жас мамандар апталығы өтті.
Сегіз жас маманнан тұратын «Талапкер» жас мамандар мектебі мектеп психологы З. Нурмухамбетова және сол мектептің жетекшісі А. Шангерееваның жетекшілік етуімен жұмыс жасайды.
Апталықты өткізудегі мақсат педагогикалық шеберлікті арттырып, теориялық білімдерін жетілдіру.
Апталықта жас мамандар бес ашық сабақ, бір сыныптан тыс шара өткізді.
Апталықта мұғалімдер оқыту мен тәрбиелеудің негізгі үдерісі аясында адамгершілігі жоғары, қабілетті жеке тұлғаны қалыптастыруға басымдық берді.
Ұлттық құндылықтарды оқушылардың бойына сіңіру үшін өткізілген сабақтар ата-аналар тарапынан да қолдау тапты. Тәжірибелі ұстаздар мен мектеп әкімшілігінен құрылған эксперттік комиссия апта бойы шараларды бағалап, қазылық жасап отырды.
Ал қорытындысында мектепте еркін шоу концерт өтті.
Эксцентрикалық образдарымен көпшілікті таңырқатқан шоу қатысушылары түрлі музыка жанры араласқан әндерін орындап, сахнада шоу ұсынды.
Аида Есенаманқызы,
Хамза Есенжанов атындағы
орта мектептің қызметкері,
Теректі ауданы
