2023-2025 жылдарға арналған "Жас ғалым" жобасы бойынша жас ғалымдардың постдокторлық зерттеулеріне гранттық қаржыландыру жобалары байқауына "Махамбет Өтемісов атындағы Батыс Қазақстан университеті" КЕАҚ жас ғалымдары белсенді қатысты. БҚУ жас ғалымдарының жоғары ұпай жинаған жобалары ұлттық ғылыми кеңестің мақұлдауына ие болды.
Әлеуметтік және гуманитарлық ғылымдар саласындағы зерттеулер" ғылыми бағыты бойынша ҰҒК шешімі бойынша "Алтын Орда дәуірінің Солтүстік-Шығыс Каспийінің тарихи географиясы" жобасымен ҚР тарихы кафедрасының оқытушысы, магистр Дарын Сағидуллаев және "Геология, минералдық және көмірсутек шикізатын өндіру және өңдеу, жаңа материалдар, технологиялар, қауіпсіз бұйымдар мен конструкциялар" ғылыми бағыты бойынша ҰҒК шешімімен "Батыс Қазақстандағы қазба теңіз бауырымен жорғалаушылардың биоәртүрлілігін зерттеу" жобасымен география кафедрасының оқытушысы, магистр Джамиля Якупова жеңімпаз атанды.
Екі постдокторант Қазан федералды университетінің аспирантурасында "Палеонтология" және "Археология" мамандықтары бойынша білім алған.
Бұл грант оларға өз зерттеулерін аяқтауға және жобаны іске асыруға шарт жасалған күннен бастап 12 ай ішінде қорғауға көмектеседі.
Палеонтологиялық және археологиялық зерттеулер жүргізу академиялық артықшылық орталығын ашуға жоспарланған басымдықтардың бірі.
Айзада Дюсенова,
М.Өтемісов атындағы
БҚУ Баспасөз-хатшысы,
