Қазақстандық Григорий Ломакин Иран астанасы Тегеранда өткен ITF M15 жарысының чемпионы атанды. Бұл туралы Қазақстан теннис федерациясы хабарлады.
Фото: ktf.kz
Турнирдің бірінші ракеткалары болып тіркелген Г. Ломакин мен ресейлік Егор Агафонов финалда үндістандықтар Ишаке Экбал – Яш Чаурасиямен кездесті.
Қазақстандық-ресейлік жұп 7:5, 6:2 есебімен жеңіске жетті.
Ломакин жекелей сында ширек финалға дейін жетіп, онда ресейлік Денис Клокқа есе жіберді – 1:6, 2:6.
Григорий Ломакин жұптық сында ATP Live рейтингісінде 247-ден 246-орынға көтерілді.
