2 шілде күні Қособа сайлау округі бойынша Қособа ауылдық округі әкімінің сайлауы өткен болатын. Сайлау округі бойынша сайлаушылар тізіміне 669 азамат енгізілсе, оның – 378-і дауыс берді. Жарамсыз бюллетеньдер саны - 11, «Барлығына қарсы» - 19 болды.
Аудандық аумақтық сайлау комиссиясының 4 шілдедегі №1.3/39 шешімімен, 70,3% дауыспен «AMANAT» партиясы ұсынған, Жырақұдық ауылының тұрғыны, Бейімбет Жайманов Қособа ауылдық округінің әкімі болып сайланды.
Аудан әкімі Жұмагелді Батырниязов жаңа әкімді құттықтап, жұмысына сәттілік тілесе, қособалық ағайынның атынан ауыл ақсақалы, Қособа ауылдық ардагерлер кеңесінің төрағасы Төлеу Шарифуллин батасын берді.
Бейімбет Есетұлы өзіне сенім білдірген тұрғындарға алғысын білдіріп, ауылдың көркеюі үшін білек сыбана жұмыстанатынын айтты.
Айжан Бауыржанқызы,
Сырым ауданы
zhaikpress.kz
