Облыстық 7 аталым бойынша 41 үміткер қатысқан «Қайырымдылық керуені» V республикалық байқауында шыңғырлаулық Денис Липиннің ергілі баршаға үлгі болып, «Бала жүрегі» номинациясы бойынша Құрмет грамотасымен марапатталған болатын. Осы орайда аудан әкімі Мұрат Өмірәлиев марапат иесі - Денис Липинді қабылдап, «Бала жүрегі» номинациясының Құрмет грамотасын табыс етті.
Аудан басшысы Мұрат Амангелдіұлы кішкентай бүлдіршінді тілсіз жау - судан құтқарған, яғни оқыс оқиға кезінде азаматтық үлгі көрсеткен Денис қандай да құрметке лайық екенін айтып, шынайы алғысын білдірді. Өз кезегінде сөз алған Денис Липин оқиғаның қалай болғанын баяндап, өз ойымен бөлісті.
Иә, мына мың құбылмалы заманда арамызда өз өмірімен санаспай, адам өмірін құтқарып қалуға бар күш жігерін жұмсайтын азаматтардың жоқ емес екені қуантады. Олар қандай да болмасын құрметке де, марапатқа да лайық!
Аман Сағи,
Шыңғырлау ауданы
zhaikpress.kz
