Қала күніне орай бау-бақша орталығы салтанатты түрде ашылды. Мерекелік шараға қала әкімі Миржан Сатқанов қатысты.
– Бұл орын Орал қаласындағы әдемі бау-бақша орталығына айналады деп үміттенемін. Бақшада раушан гүлінің, шырша ағашының сан түрі бар. Әсіресе гүлдің қоры өте көп. Бұл жоба мен үшін өте бағалы, қала тұрғындарын тамашалауға шақырамын, - деді жоба жетекшісі Гүлнар Мерғалиева.
– Баршаңызды қала күнімен құттықтаймын. Біздің азаматтарымыз шаһардың әдемі болуы үшін барын салуда. Қаланың жасыл желекке оранып, гүлденуі жолында осындай бау-бақша орталықтарының маңызы зор, - деді қала әкімі Миржан Сатқанов.
Жанат Көшкінбай
zhaikpress.kz
