Қазіргі уақытта Сайқын ауылында 6 тұрғын үй салынып, тағы 5 үйдің құрылысына қаржы қаралған. Жалпы құны 23 млн. 218 мың теңгені құрайтын аудан орталығының бас жоспары дайындалып, аудандық мәслихатқа бекітуге жолданған.
Өңірлерді дамыту бағдарламасы шеңберінде Бисен, Орда ауылдарында салынып жатқан жасанды газонмен қамтылған футбол алаңдары (жалпы құны 14 млн. 633 мың теңге) 1 қыркүйекте пайдалануға берілуі керек.
Тәуелсіздігіміздің 25 жылдығына байланысты «Жұмыспен қамту – 2020» бағдарламасы аясында республикалық бюджет қаржысы есебінен бөлінетін 70 млн. теңгеге Сайқын ауылында тротуар салу, басқа ауылдарда саябақтарды, спорт алаңдарын ағымдағы жөндеуден өткізу жоспарлануда. Елді мекендердің жасыл аймақтарын құру үшін Хан ордасы ауылында орман шаруашылығы және округ әкімшілігі тарапынан 6 гектар аумаққа қарағай ағаштары, Сайқын ауылында 1 гектар жерге жасыл желек отырғызылған.
Д.ӘЛИЕВ
Бөкей ордасы ауданы
www.zhaikpress.kz
