Қызыл жалын Бор тау шағынауданы халқына қауіп төндіруде. Жаңа көпір маңындағы орман өртін сөндіруге облыстық төтенше жағдайлар департаментінің 131 қызметкері мен 31 техника жұмылдырылуда.
Дәл қазір өрт алаңына Төтенше жағдайлар департаментінің тікұшағы келіп жетті.
БҚО-да дәл осындай жоспармен жаңа көпір маңындағы орман алқабын өрттен қорғау мақсатында оқу-жаттығу жұмыстары басталды.
Мұндай оқу-жаттығу жұмыстары жеке құрамды ширатуға, дайындықты пысықтауға көмегін тигізеді.
– Біздің оқу-жаттығуды өткізудегі мақсатымыз – орман алқабындағы өртті сөндіру, маңайындағы елді мекендерге өрт қаупін жібермеу. Биыл облыс аумағында 14 дала өрті тіркелді. Бәрі де абыроймен сөндірілді, - деді БҚО ТЖД бастығы Ернұр Өтегенов.
Жанат Көшкінбай
zhaikpress.kz
