Алматы халықаралық әуежайына Ханчжоудағы жазғы Азия ойындарына қатысқан 50-ден астам спортшы ұшып келді. Бұл туралы туризм және спорт министрлігі хабарлады.
Олардың арасында Азия ойындарында бессайыстан алғаш рет Олимпиада лицензиясын жеңіп алған Елена Потапенко мен Георгий Борода-Дудочкин бар.
Әзірге спорт сайысының төрт күндік нәтижесі бойынша еліміздің спортшылары 2 күміс, 7 қола жүлде алды.
Айта кетейік, Ханчжоуда өтіп жатқан жазғы Азия ойындары 8 қазанға дейін жалғасады.
