Орал қаласының прокуратурасы ұсынған ақпаратқа сүйенсек, Орал қаласының халықты жұмыспен қамту орталығының жұмысын тексеру барысында «Жаңа бизнес-идеяларды іске асыруға арналған гранттар» мемлекеттік бағдарламасын іске асыруда бірқатар заңбұзушылық анықталды.
14 азамат грант қаржысын мақсатты пайдалануды растау үшін туыстарынан ұсақ мал сатып алғандары туралы жалған тауарлық чектер ұсынған. Іс жүзінде үй жануарлары бұдан бұрын сойылғандықтан, есептен шығарылған. Сондай-ақ бизнес-жобаның негізгі мақсатына сәйкес кәсіпкерлікпен айналыспаған.
Прокурорлық қадағалау актісінің нәтижелері бойынша 8 гранттың иегерінен 5,1 млн теңгені өндіріп алуға сот шешімі шықты.
Екі қатысушы 2,4 млн теңгені қайтару туралы бітімгершілік келісімдер жасады. Одан басқа 4 адам берілген грант қаржысын ерікті тәртіппен мемлекеттік бюджетке өтейді. Бүгінгі таңда 6 грант иегері мемлекеттік бюджетке іске асырылмаған 4 млн теңгеден астам грант қаржысын бюджетке қайтарды.
Гүлнәр Шәңгерей,
«Орал өңірі»
