Ақжайық ауданының жұрты еңселі егемендігіміздің қадір-қасиетін айғақтайтын Республика күніне арналған шаралар легін бастап кетті.
Бүгін мереке құрметіне аудан орталығы Чапаев ауылында автошеру өтті.
13 көлік қатысқан шеру таң «Даңқ» саябағынан басталды. Ауылдың басты көшелерімен, көрнекті орындарымен мемлекеттік туды желбіретіп өткен шеруді ұйымдастырғандардың қатарында «Ақжайық өрендері» жастар қоғамдық бірлестігі бар. Шеру сапында мемлекеттік мекемелермен қатар тұрғындар да жеке көліктерімен қатысты.
– Республика күні – өте маңызды, ерекше шабыт беретін мереке, сондықтан бұл күнді ерекше түрде өткізетінімізге қуанамыз, әрі осындай шерулер әр жасымыздың патриотизмін оятады деп сенеміз, – дейді шараға қатысқан «Ақжайық өрендері жастар қоғамдық бірлестігің төрағасы Рысбек Жанайысов.
Азамат Қанапия,
Ақжайық ауданы
zhaikpress.kz
