Бөрлі ауданында түрлі деңгейдегі шаралар өткізіліп, Ұлттық мереке болып қайта оралған Республика күні кең көлемде тойлануда. Жас ұстаздар арасында өткен «Quiz» интеллектуалды ойыны, бокстан халықаралық «Достық-Дружба» турнирі, шеберлер жәрмеңкесінің өтуі бөрліліктерге мерекелік көңіл күй сыйлауда.
Ал бүгін аудандық мәдениет үйінде мерекеге арналған «Республикам менің» атты салтанатты шара өтті.
Алдымен сахнаға еліміздің Туы кіргізіліп, мемлекеттік Гимн орнындалды. Кейін мемлекеттік әкімшілік қызметшісінің антын аталған қызметке алғаш тағайындалған, аудандық кәсіпкерлік бөлімінің бас маманы Жарас Аяп қабылдады.
Салтанатты шарада аудан әкімі Еркебұлан Ихсанов мерекемен құттықтап, бірқатар азаматты мемлекеттік наградалармен, өзінің атынан алғысхатпен марапаттады.
Жиында Қазақстан Республикасы мәдениет және ақпарат министрлігінің «Қайырымдылық үшін» төсбелгісімен «Назтур» жауапкершілігі шектеулі серіктестігінің директоры Лесбай Елеусінов марапатталады.
Сонымен қатар «Казбургаз» акционерлік қоғамында 1988 жылдан жұмыс жасап келе жатқан, 5 разрядты бұрғышының көмекшісі Рамиль Ерғожиев, Ақбұлақ ауылдық округінің бас маманы болып еңбек еткен, қазіргі уақытта зейнеткер Менслу Сеитова, «Ақсайавтотранс» акционерлік қоғамында 2015 жылдан бастап жүргізуші болып жұмыс істеп келе жатқан Мырзагелді Шәріпқалиев, ҚТЖ-Жүк тасымалы» - «Батыс» жауапкершілігі шектеулі серіктестігі филиалының» Қазақстан станциясындағы тауар кассирі Ольга Мещерякова, КМГ Паркер Дриллинг Компани» ЖШС-да бұрғылаушы Ермек Апиев, «Ақсайжылукуат» мемлекеттік коммуналдық кәсіпорнының кәріз тазарту қызметінің шебері Александр Сливной, «Ақсайгазсервис» ақционерлік қоғамында Каспий аймағындағы күрделі жөндеу және механикалық жұмыстарға техникалық қызмет көрсету аймағында жоба жетекшісі Шамиль Исенғалиев, аудандық халыққа қызмет көрсету бөлімінің маманы Ерлан Кубжанов, паратаеквондодан Қазақстан Республикасы, Азия және Әлем чемпионаттарының бірнеше дүркін жеңімпазы, 2023 жылдың қыркүйек айында Мексика мемлекетінің Веракрус қаласында паратаеквондодан өткен Әлем чемпионатының жеңімпазы Мәлік Мұқашев, самбошылар Темірлан Көлбай мен Әділбек Сеисовтер марапатталды.
Салтанатты шара аудан көркемөнерпаздары дайындаған тамаша концертпен жалғасты.
Айым Нұрғалиева,
Бөрлі ауданы
zhaikpress.kz
