Жәнібек ауданы әкімдігінде аудан әкімінің міндетін уақытша атқарушы Жақсылық Абдоловтың төрағалығымен актив жиналысы өтті.
Жиында Ж.Абдоловтың 2023 жылдың 30 қазандағы №169-ө өкімімен ауыл шаруашылығы, кәсіпкерлік, шағын және орта бизнес, экономика және қаржы, жұмыспен қамту және халықты әлеуметтік қорғау, атаулы әлеуметтік көмек көрсету, жер қатынастары, ветеринария салаларына жетекшілік ететін аудан әкімінің орынбасары лауазымына Мирболат Бисенов тағайындалды.
Жақсылық Каримоллаұлы Мирболат Бауыржанұлының өмірбаянымен таныстырып, жұмысына сәттілік тіледі.
Өз кезегінде М.Бисенов міндеттелген жұмысты абыроймен әрі қоян-қолтық атқаратынын жеткізді.
Мирболат Бисенов 1987 жылы 15 ақпанда Бөкей ордасы Сайқын ауылында дүниеге келген.
2008 жылы «Еуразия» академиясын «Қаржы», 2010 жылы М.Өтемісов атындағы Батыс Қазақстан мемлекеттік университетін «Заңтану», 2016 жылы Қазақстан инновациялық және телекоммуникациялық жүйелер университетін «Экономика» (магистр) мамандықтары бойынша бітірген.
Еңбек жолын 2009 жылы Бөкей ордасы аудандық сотының жетекші маманның міндетін атқарушы қызметінен бастаған.
Әр жылдары:
- Бөкей ордасы аудандық сотының жетекші маманы;
- Қазақстан Республикасы Бас прокуратурасының Құқықтық статистика және арнайы есепке алу жөніндегі Комитетінің Батыс Қазақстан облысы бойынша басқармасының Бөкей ордасы ауданының статист-бас маманы;
- Бөкей ордасы ауданының экономика және қаржы бөлімінің бас маманның міндетін атқарушы;
- Бөкей ордасы ауданының экономика және қаржы бөлімінің бас маманы;
- БҚО ауыл шаруашылығы басқармасының экономикалық талдау, жоспарлау және жиынтық ақпарат бөлімінің
бас маманы;
-БҚО ауыл шаруашылығы басқармасының экономикалық талдау, жоспарлау және жиынтық ақпарат бөлімінің басшысы;
- Орал қаласы облысы әкімі аппараты талдау және бақылау бөлімінің бас инспекторы,
- БҚО әкімі аппараты бақылау бөлімінің бас инспекторы;
- БҚО әкімі аппаратының ұйымдастыру-инспекторлық жұмыстары бөлімінің бас инспекторы;
- БҚО әкімі аппараты, әлеуметтік-экономикалық даму бөлімінің бас инспекторы,
- БҚО әкімі аппараты әлеуметтік-экономикалық даму бөлімінің басшысы;
- БҚО әкімі аппаратының кешенді және тұрғын үй-коммуналдық шаруашылықты дамыту бөлімінің басшысы қызметтерін атқарған.
Отбасы бар. Үш бала тәрбиелеп отыр
Гүлзара Мәди,
Жәнібек ауданы
zhaikpress.kz
