ҚР Еңбек сіңірген спорт шебері, Сидней Олимпиадасының күміс жүлдегері, балуан Ислам Байрамуков не үшін өкінетінін айтты, деп хабарлайды Massaget.kz тілшісі.
Фото: zhaikpress.kz
Бұл туралы спортшы "Алғашқы" бағдарламасында айтты.
"Өмірде неше түрлі жағдайлар болады ғой. Кәсіби спортшы болғаннан кейін спорттағы "әттеген-ай" - Олимпиада ойындарында финалға шықтым. Финалда, өкінішке қарай, жеңіліп қалдым. Осы күнге дейін бейнесін қараған жоқпын. 23 жыл өтті. Көргім де келмейді", - дейді спортшы.
Ислам Байрамуков Сидней Олимпиадасының финалын көрмегенін атап өтті.
"Әлі көргім де келмейді. Жанға батқан жара бар. "Әттеген-ей, соңғы сәтте неге барымды салып, жеңіске жете алмадым?" деген ой әлі бар ішімде", - дейді спортшы.
