Орал қаласының ішкі саясат бөлімінің мемлекеттік әлеуметтік тапсырысы аясында, “Жайық таңы” қоғамдық бірлестігінің ұйымдастыруымен 7-желтоқсан күні “Алтын Орда” мәдениет үйінде “Жастар және руханият” тақырыбында жастарға және қала тұрғындарына арналған кездесу өткізілді. Кездесу қонағы болған – Астана қаласынан келген елімізге танымал отбасылық психолог, “Отбасы академиясының” негізін қалаушы Ержан Мырзабаев.
Кездесудің негізгі мақсаты – жастарға отбасы құндылықтарын дәріптеп, бәсекеге қабілетті білім алып, ел игілігі үшін қызмет етуге және деструктивті діни ағымдардың идеологиясынан сақтануға шақыру.
Кездесу барысында Ержан мырза қазіргі қоғамдағы отбасы мәселесін тілге тиек етіп, жаңа отбасы құрудың алғышарты, ата-анамен қарым-қатынас, отбасы құрғаннан кейін болатын ахуалдар, қоғамға пайдалы болу, теріс ағымдардан сақтану тақырыптарын талқылады және пайдалы жағы басымырақ жеткізілді.
Қала тұрғындары мен арнайы басқа өңірлерден келген қатысушылар ұйып тыңдап, екінші бөлім олардың сұрақ қоюымен жалғасын тапты.
Зердегүл Мүсірова,
“Жайық таңы” ҚБ жоба жетекшісі
