13-15 желтоқсан күндері Орал қаласында Тәуелсіздік күніне орай бокстан 2010-2011 жылы туған кіші жасөспірімдер арасында қала кубогы ұйымдастырылды.
Жарысқа 8 команда, оның ішінде "Жекпе-жек" спорт мектебі, "Арена" спорт клубы, "Олимп" спорт клубы, "Оқушылар сарайы МКҚК", "Оқушылар сарайы МКҚК‐2", Бәйтерек ауданы, "Орал" спорт клубы спортшылары қатысты.
Спортшылар балдық есептік көрсеткіш бойынша командалық қарама-қарсы ойын көрсетіп, жалпы командалық есепте І орынды "Жекпе-жек спорт мектебі", ІІ орынды "Арена" спорт клубы, ІІІ орынды "Оқушылар сарайы МКҚК-2" еншіледі.
Жеңімпаздар мен жүлдегерлер Орал қаласының дене шынықтыру және спорт бөлімінің диплом, медаль, кубоктарымен марапатталды.
Орал қалалық дене шынықтыру
және спорт бөлімінің
баспасөз қызметі
