Мәдениет және ақпарат министрлігі 2024 жылға арналған киноөндірістің басым тақырыптарының тізімін жариялады.
Бұл туралы министрліктің баспасөз қызметі хабарлады.
Биыл ҚР Мәдениет және ақпарат министрлігінің қолдауымен түсірілген 30-ға жуық фильм прокатқа шығуы мүмкін. Қазіргі уақытта әр жылдары түсірілген 29 толықметражды фильм толығымен аяқталған. Олардың жартысы өндірісті аяқтап үлгерді. Ал бұрынғы жұмыстардың кейбірі түрлі себеппен әлі шығарылмаған.
Жыл сайынғы сценарийлерді іріктеу байқауы басталды. Биылғы жылы ҚР Мәдениет және ақпарат министрлігі конкурстық сценарийлер тақырыбын қайта қарады. Олардың барлығы белгілі бір санатқа сәйкес келуі керек. Осыған орай 2024 жылы киножобаларды іріктеудің басым тақырыптарын хабарлап отырмыз.
Әлеуметтік маңызы бар ойын фильмдері:
Отбасы – мемлекеттің негізі
Табыс формуласы
Заң және тәртіп
Балалар - біздің болашағымыз
Адам және табиғат
Этносаралық келісім
Өз-өзіне және қоғам алдындағы жауапкершілік
Ғылым және өмір
Армия
Тарихи кино
Спорт туралы фильмдер
Мемлекеттік және ұлттық іс-шаралар мен мерекелерді насихаттау
Еңбек адамы
Анимациялық фильмдер:
Отанға деген сүйіспеншілік
Халық дәстүрлерін сақтау
Отбасылық құндылықтарды қорғау, ата-ана мен бала тақырыбы
Өскелең ұрпақта рухани-адамгершілік құндылықтарды тәрбиелеу, көшбасшылық, мақсат қоюды дәріптеу, мотивация беру
Этносаралық және конфессияаралық келісімді сақтай отырып, Қазақстанның мәдени бірегейлігін сақтау
Достық пен өзара көмектің маңыздылығын дәріптеу
Жануарларды қорғау, адам және табиғат қарым-қатынас туралы
Мектептердегі жәбірлеу проблемасы
Деректі фильмдер, соның ішінде оқиғаларға қатысты фильмдер:
Көпұлтты және көпконфессиялы Қазақстандағы бірлік
Қазақстанның тарихи-мәдени және табиғи мұрасы
Қазіргі Қазақстан, саяси реформалар
Халық дәстүрлерін сақтау
Біздің арамыздағы батырлар
Тарихи тұлғалар, мәдениет, ғылым және спорт қайраткерлері
Мәдениет, ғылым және техника салаларындағы жетістіктер
Экология және табиғи ресурстарды қорғау
Ғылым және өмір
Қазақстан табиғатының ерекшеліктері
Азаматтық қоғамды дамыту
Байқауға өтінімдерді қабылдаудың басталғаны туралы қосымша хабарланады.
