Ұлттық статистика бюросы 2024 жылғы 5 қаңтарда Қазақстан халқы туралы нақтыланған мәліметтерді ұсынды, деп хабарлайды Orda.kz.
Бюро ақпаратынан 2023 жылғы 1 желтоқсандағы жағдай бойынша Қазақстан халқының саны 20 014 575 адамға жеткені мәлім болды, оның ішінде:
• қалалықтар – 12 431 220 адам,
• ауыл тұрғындары – 7 583 355 адам.
«2023 жылдың басынан бері халық саны 247 768 адамға, оның ішінде табиғи өсім есебінен 239 422 адамға, көші-қон бойынша 8 346 адамға өсті» делінген Ұлттық статистика бюросының Telegram-каналында жарияланған хабарламада.
Санақшылар халық санының ең жоғары өсу қарқынын төмендегідей көрсетеді:
• Астана – 5,11%-ға,
• Алматы – 2,82%-ға,
• Маңғыстау облысы – 2,4%-ға.
2023 жылдың 16 қарашасында Қасым-Жомарт Тоқаев 20 миллионыншы қазақстандық дүниеге келгенін хабарлады. Кейін Ұлттық статистика бюросы Қазақстанның 20 миллионыншы тұрғыны қалай анықталғанын түсіндірді.
