Қыркүйек айында аудандық ауруханамызға қос бірдей дәрігер келді деп өздеріңізден алақайлап сүйінші сұраған едік. Араға бірнеше ай салып жергілікті ақ халаттылардың қатары тағы бір маманмен толығып жатыр.
Алмаз Қалыбайұлы – Ақтөбе облысы, Ойыл ауданы, Көптоғай ауылының тумасы. 2016 жылы Марат Оспанов атындағы Батыс Қазақстан медициналық университетіне оқуға түсіп, 2023 жылы «Жалпы тәжірибелі дәрігер» мамандығы бойынша тәмамдаған. Медицина саласындағы алғашқы еңбек жолын Алға аудандық ауруханасында бастады. Биылғы жылдың 8 қаңтарынан бастап аудандық аурухананың №3 учаскесінің жалпы тәжірибе дәрігері боп қызметке кірісті.
Арайлым Есмағұлова,
Бөкей ордасы ауданы,
zhaikpress.kz
