Қазақстан Республикасының Бас мемлекеттік санитарлық дәрігері Айжан Есмағамбетованың кеше жаңа қаулысы шықты.
Бұл ақпаратты облыстық санитарлық эпидемиологиялық бақылау департаментінің баспасөз қызметі растады.
Фото: istockphoto
- Ауа арқылы жұғатын (қызылша, коронавирустық инфекция Covid-19, тұмау және басқа да жедел респираторлық вирустық инфекциялар) жұқпалы аурулардың таралуының алдын алу мақсатында ҚАУЛЫ ЕТЕМІН:
1. Алматы, Астана, Шымкент және барлық облыс, қаладағы денсаулық сақтау басқармаларының басшылары, санитарлық-эпидемиологиялық бақылау комитетінің аумақтық департаменттері қамтамасыз етсін:
1) медициналық ұйымдарда қызметкерлер мен келуші маска тағуы тиіс және антисептик болуы қажет;
2) халыққа COVID-19 коронавирустық инфекциясының алдын алу шаралары, тұмау және ЖРВИ туралы ақпараттық-түсіндіру жұмысын жүргізу;
2. Алматы, Астана, Шымкент қалалары және облыстардың жергілікті атқарушы органдары, меншік нысанына қарамастан заңды тұлғаларға:
1) халық көп жиналатын орындарда (әуежай, теміржол вокзалы, автовокзал, базар, сауда-ойын-сауық орталықтары, сауда үйлері, театрлар, кинотеатрлар, ХҚКО-лар, банктер және тағы басқасы), көліктің барлық түрінде (қоғамдық көлік, әуе, теміржол) медициналық немесе шүберектен тігілген масканы тағуды ұсыныңыз;
3. Осы қаулының орындалуын өзім қадағалаймын.
4. Қаулы қол қойылған күнінен бастап күшіне енеді, - делінген қаулыда.
