Бүгін Казталов ауданы әкімі Асланбек Сарқұлов БҚО гір спорты мен қол күресі федерациясының президенті, облыс орталығындағы облыстық жоғарғы спорт шеберлігі мектебінің жаттықтырушысы, жерлесіміз Мұрат Ибатовты қабылдады.
2014 жылдан бастап Батыс Қазақстан гір спорты және қол күресі федерациясының аға жаттықтырушысы болып тағайындалып, жұмыс жасауда.
2014 жылдан бастап 2020 жылға дейін Орал қаласындағы №4 балалар-жасөспірімдер спорт мектебінің қол күресі үйірмесінің жаттықтырушысы қызметін атқарды. 2020 жылдан бастап бүгінгі күнге дейін облыстық жоғарғы спорт шеберлігі мектебінде қызмет атқарып келеді.
Осы уақытқа дейін 14 әлем чемпионы, 20 дан астам Азия чемпионы шығуына үлесін қосты.
Еліміздің спорт саласының дамуына қосқан үлесі үшін Мұрат Ибатов 2022 жылдың 5 желтоқсанында ҚР Мәдениет және спорт министрлігінің №406 бұйрығымен «ҚР Еңбек сіңірген жаттықтырушысы» атағын алды. Ал 2016 жылдан бастап, елдегі чемпионаттарда төрешілік етіп келеді. Бүгінде «Халықаралық дәрежедегі спорттық төреші» атағына ие болып отыр.
Аудан әкімі Асланбек Ахметоллаұлы БҚО гір спорты мен қол күресі федерациясының президенті Мұрат Қолғанатұлына алғысхат пен естелік сыйлық табыстады.
Гүлнұр Сәуірғалиқызы,
Казталов ауданы
zhaikpress.kz
