Бүгін «Ардагерлер үйінде» аудандық ардагерлер кеңесінің ұйымдастыруымен Жаңақала ауданының Құрметті азаматы, 40 жылға жуық төл ойынымыз – тоғызқұмалақтың дамуына айрықша үлес қосып, аудан мерейін сан мәрте асқақтатқан ардагер спортшы Хайрат Мұратұлының 75 жас мерейтойына орай құттықтау рәсімі өтті.
Шараға аудан әкімінің орынбасары Руслан Ғұмар мен ауыл ақсақалдары қатысты. Ардагерлер кеңесінің төрағасы Қайырғали Жаимов салтанатты жиынды ашып, алғысөзді аудан әкімінің орынбасарына берді.
Руслан Қонысбайұлы мерейтой иесіне жылы лебізін жолдап, аудан әкімі Алпамыс Көшкінбаевтың атынан құттықтау хат пен естелік сыйлық табыс етті.
Өз кезегінде Хайрат Мұратұлы еңбегін елеусіз қалдырмай, құрмет көрсеткен аудан басшылығы мен ауыл ардагерлеріне ризашылығын білдірді.
Айзада Ақбасова,
Жаңақала ауданы
