Бүгін Казталов ауданында мемлекеттік қызметкерлер арасында қысқы спорт түрлері бойынша спартакиада басталды.
Мемлекеттік қызметкерлердің спортпен шұғылданып, халық арасында салауатты өмір салтын насихаттауға бағытталған спартакиадаға ауылдық округтердегі мемлекеттік қызметкерлерден құралған командалар қатысуда.
Шараға қатысқан Казталов ауданы әкімінің орынбасары Зәйлім Мажитова айтулы спорттық шараның маңыздылығына тоқталып, қатысушыларға сәттілік тіледі.
Спорттық шараны «Айбын» спорт клубы ұйымдастыруда. Қатысушылар спартакиада барысында эстафеталық жарыстарға қатысып, шайбалы хоккейден бақ сынайды.
Қайрат Жақып,
Қазталов ауданы
