Бүгін Жаңақала ауданына қарасты көктемгі су тасқынының орын алу қаупі бар Жаңақазан ауылдық округінде Сарыөзен және Қараөзен жағалауы, ауыл маңындағы айдынның жағалауына құм толтырылған қапшықтардан тосқауылдар қойылып, техникалардың көмегімен аласарған бөгеттерді көтеру жұмыстары жүргізіліп жатыр.
Тасқынға қарсы қорғаныс шараларына аудандық, ауылдық әкімдерімен бірге 51809-В әскери бөлімшенің сарбаздары, шаруа қожалықтары мен ауыл тұрғындары жұмылдырылды.
Сонымен қатар табиғаттың күрт өзгерісіне байланысты тұрғындарға сақтық шаралары айтылып, мұқият болу керек екендігі ескертілуде.
Зара Жардемова,
Жаңақала ауданы
