Бәйтерек ауданына қарасты Янайкин ауылдық округынан Ұлы Отан соғысына 240 адам аттанған. Олардың көбі майдан даласынан оралған жоқ. Ал елге аман келіп, ауылда еңбек еткен соғыс ардагерлерінің соңғысы Константин Челноковтың дүниеден өткені де көп болған жоқ.
Ұлы Жеңіс күніне орай Янайкин ауылындағы "Мәңгілік алаңда" ұйымдастырылған салтанатты іс-шараға жиналғандар осы жеңімпаздарды еске алып, бейбіт өмір, жарқын болашақ, бақытты ғұмыр сыйлаған олардың ерлігі ешқашан ұмытылмайтынын атап өтті. Содан олардың рухына арнап бір минут үнсіздік жарияланды.
Жергілікті өнерпаздардың шағын концерттік бағдарламасынан соң Ұлы Отан соғысына қатысқан янайкиндіктерге арналып салынған мемориалдық тақта жанына гүл шоқтары қойылды.
Салтанат Зұлқарнаева,
Бәйтерек ауданы
