Бүгін Жаңақала ауданы әкімі Алпамыс Көшкінбаевтың қатысуымен қоғамдық кеңестің кезектен тыс отырысы өтті.
Оған 11 кеңес мүшесінің 8-і қатынасты. Кеңес төрағасы Қуат Имашев төрағалық еткен жиынның күн тәртібінде аудандық мәслихаттың 2023 жылғы 21 желтоқсандағы №13-3 «2024-2026 жылдарға арналған аудандық бюджет туралы» шешіміне өзгерістер енгізу туралы мәселесі қаралды.
Аталған тақырып жөнінде Алпамыс Жаңабайұлы сөз алып, жыл басынан бері атқарылып жатқан істерді тарқата әңгімеледі.
Сондай-ақ отырыс соңында тұрғындардың үш әлеуметтік нысан (мәдени-демалыс орталығы, «Еркем» балабақшасы мен педагогикалық-психологиялық түзету кабинеті) орналасқан С.Датов көшесіне асфальт төсеу туралы өтініші қаралды.
Аудан әкімі асфальтты үнемделген қаражат есебінен төсеуді ұсынып, кеңес мүшелері бірауыздан келісті.
Айзада Жанұзаққызы,
Жаңақала ауданы
zhaikpress.kz
