Жаңақала ауданында «Жан – демеуші» қоғамдық бірлестігі және жастармен жұмыс жөніндегі ресурстық орталығының ұйымдастыруымен «Рухани орталық» ғимаратынан желілік-өндірістік басқармасының аумағына дейін көпшілік жүгіру марафоны өтті.
35 әуесқой жүгіруші қатысқан спорттық шарада 9-ы екі шақырым, 19-ы бес шақырым, ал 7-еуі он шақырым қашықтыққа жүгірді.
Марафон қорытындысында 2 шақырым қашықтық бойынша әйелдер арасында Раушан Сәлім, 5 шақырым қашықтықта ерлер арасында Айбын Айдын, 10 шақырым қашықтық бойынша ерлер арасында Райымбек Жолдығалиев жеңімпаз атанды.
Айзада Ақбасова
Жаңақала ауданы
