Мектеп жасына дейінгі балаларға балабақшаға жолдама алу қызметі жанданады. Бұл туралы Орал қаласы білім беру бөлімі хабарлады.
«Мектепке дейінгі ұйымдарға (МдҰ) жіберу үшін мектеп жасына дейінгі балаларды (6 жасқа дейін) кезекке қою» және «Мектепке дейінгі ұйымдарға құжаттарды қабылдау және балаларды қабылдау» мемлекеттік қызметтері 2024 жылдың 29 шілдесінен бастап қолжетімді болмақ және қызмет бұрынғыша balabaqsha.snation.kz сайтында көрсетіледі.
Ата-ана МдҰ-ға жолдама алу үшін осы сайтқа кіріп, өзіне қолайлы бюллетеньге өтініш жібереді.
29 шілдеге дейін ата-аналар кезекке қою, қажет болған жағдайда жеңілдіктерін жаңарту әрекеттерін орындауы қажет. Қосымша сұрақтар бойынша 8 (7112) 51-52-08 телефоны арқылы Орал қаласы білім беру бөліміне хабарласуға болады.
Айта кетейік, ата-анасы әскери қызметте немесе арнайы мемлекеттік органдарда істейтін балаларға кезектен тыс жолдама беріледі.
Ата-анасы немесе бауырларында (кәмелетке толмағандар) мүгедектігі бар балалар, ата-анасының қамқорлығынсыз қалған мектеп жасына дейінгі балалар, жетім балалар және ерекше білім беру жағдайларын қажет ететін көпбалалы отбасы балалары мен мектеп жасына дейінгі балалар мен мұғалімдердің балалары бірінші кезектілік санатымен орын ала алады.
Кезектен тыс өтініштер қаралып, кезектің басына қойылады. Содан кейін бірінші кезектегі топтағы балалар және жеңілдіксіз үш бала кезекке тұрады.
zhaikpress.kz
